فضيحة هونداي ماتـريكـس

ياسبحان الله تموووووووتو في الفضايـح يعني عربيه طول ما انتا ماشي في السكه بتشوفها
في كل شارع ماشيه وعلى كل نصية واقـفـة ... عربيه في خلال سنـتـيـن أنـباع منها 15000 عربيه
عارفين يعني أيه 15 الف عربية وفي سنتيـن يعني حققـة نجاح في المبيعات...
وبصراحه العربيه بعد ما اشتريتها بصراحه ممتازة ممتازة ممتازة يعني بصراحه تستاهل كل الف دفعتها فيها
وغير كده وكده انها عربيه شبابية وعائليه وفي نفس الوقت بيسوقها الكبار والصغار بنات وشباب
و وااااااااااااااسعـة من جوه وصغـــــــيره من برى يعني في وسط البلد ميه ميه
وأقتصاديه في البانزين جداً جداً جداً حيث تبلغ سعتها 1600 سي سي وقوت 104 حصان ...
حصان ينطح حصـان
وبالنسبه للتسارع من الصفر للميه في خلال 11.5 ثانيه أذا قرصت عليها لكن يفضل أنك تحافظ عليها
وتبلغ أقصى سرعه ليها 220 كيلو لكن أنا جبت بيها ال 170 بس ومقدرتش اكمل
طبعاً على طريق مصر اسكندرية الصحراوي أما جوة القاهره مش هتقدر تجيب حاجه هههههههههه
لذلك بنصح الي يجبها يجبها اتوماتيك علشان تكمل منظومة الرفاهيه الي فيها
العربيه مطروحه في مصر بسـعر مناسب جداً جداً لمحدودي الدخل ب 82 الف جنيه بس
كامله منويل ولو عاوزها اتوماتيك بتزود أربع بكاوي بس وبيني وبينك مش خسارة فيها
عما تحتويه العربيه من كماليات ... وكلو انا جيبو بالصور المفصلة جداً
يعني مثلاً العربيه فيها اربع شبابيك كهربا ... فيها فوانيش ضباب ..شبورة .. مرايات جانبيه كهربا
سنتر وجهاز انذار ... هههههههههه وفيها راديو كاسيت هههههههه انا بيغظوني الي بيقولو ان العربيه بتاعتهم
فيها راديو كاسيت كأنو حاجه معجزززززة راديوو وكمان كاست يا سبحان الله
هههههههه يالله وأربعه حزام أمان أنشالله معن حد حوش هههههههه
وفيها سلك حراري في القزاز الخلفي ... والكراسي كلها فاهمين يعني ايه كلها يعني ورى وقدام
قابله للتعديل والطي ... وفيها عدد 2 خزنة سرية وفيها درج تحت كرسي الي قاعد جمب السواق
وفيها كنسول في النص ومن ضمن المعجزات كمان ههههههه أربع سمعات وخمس مساند رأس
وفتحتين شاحن للموبايل وطاولتين طعام بالخلف و عشـــــرين حامل كوبـيات
بس يا سيدي
---------------------------
لكن تعالا شوف الماتريكس الي بره مصـر فيها ايه
1- ABS
2- أربعه وسائد هوائية يعني اير باج الي في مصر لحد دلوقتي مش معترفين بيها
ومعتبرينها كماليات زي ماكانو معتبرين حزام الأمـان كماليات وبياخدو عليه جمرك لغايت مبئو الناس
يحطو في عربياتهم أحزمة شنط المدرسه هههههههه
3- مساحة خلفيه ... ودي مهمه جداً جداً جداً لأن العربيات الهتش باك وهيا ماشيه في المطره
كل الطينه الي على الارض بتلاقيها على القزاز الخلفي علشان مفيش شنطه
4- لمبة فرامل خلفيه أضافية وأساسية ... علشان الغـشم السرحانين
الي تلاقي الطريق وقف وانت وقفت وبعد خمس دقايق يجي واحد حمار ويـلبـس فيك من ورى ويقلك
منته يا بيه الي وقفت مرة وحده ... تقولو يبني اللزينه انا واقف من زمان ... بس انتا الي مسطول
ههههههههههههههههه
5- فيها كمان مؤشر ديجتـل يبين لك البانزين الي فيها ممكن يمشيك كام كيلو بالزبط
المهم وفيها انظممممممممممه كتيررر حلوة وجميلة ومفيده مش هقدر اذكرها لكم علشان انا تعبت من الكتابه تعالو
نتفرج على الصور احسن







الصالون الداخلي









طاولة داخليه زي بتاعت الطياره بس ياخسارة مفيش مضيفة في السيارة










شوفو الراجل متشعبط أزاي كأنو راكب أتوبيس خايف لا يقع ههههه






مقاعد داخلية قابلة للطي + 2 خزنة سرية تحت الكراسي







تابلوة رائع وانيق تحس ان قدامك مكتب مش تابلوة عادي




















------------------------
بعـض الاكسـسوارات المخصوصة للماتـريكـس
والجميل ان اكسسوراتها كتيررررررر وهتلاقيها عند عشم نور في شارع سوريا في مصر الجديدة
وهو الي هتلاقي عندو ضمان الكاسيت والأنذار الي بيركب في جميع عربيات هنداي
















وده طقم دوسات مخصوص ليها مش أي دوسات تركب عليها






وده اللون الشانبين بتعها والي انا اخترتو























ودي الماتريكس بعد التزبيط








بصراحه انجح أعلان ليها لمن بيقولو ده مش معرض هونداي ده شارع من شوارع مصر
























المقعد الخلفي قابل للتعديل على حسب راحت الراكب الخلفي يعني خدمه خمس نجوم








---------------------------------------




طبعاً العربيه عليها الختم ده ومعناه
مصممة بواسطة بـيـنـيــنـفاريـنـا ، أحدى أكبـر
بـيـوتـات تـصــمـيـم السـيارات في أوروبــــــــا
مـاتـريكس بـشكلها الأنيـق ومـظـهرها الأوروبي
------------------------




أماكن مميزة للتخزين




















خلي بالكم الدريكسيون في مصر مفهوش اير باج زي بره كويس انهم حطلنا دريكسيون أساساً








الشاشاه دي بتنزل في الاتوماتيك بس وبتكون مضيئه اما في المنول بتبقى مطفيه وكويس ان في شاشه أصلاً هههههه















دي طبعاً زرار الشبورة والزرار الي جمبو بتتحكم في النور الي قدام تعليه وتعمي الي قدامك ولا توطيهوتخليه ضارب على الارض
أما الزرار الثالث معرفهوش واللهي لنو مش موجود في العربيات المصرية






طبعاً العربيات في مصر اربعه شبابيك اتوماتيك أساسي + مريات جانبيه كهربه أساسي



ي صورة الباب بتاع السواق بس انتا ممكن تعمل ايه بأه
ممكن تشيل الطبه الي في الباب الدائرية وتحط تويتارات او سكاكس بايونير او ألباين
أمو 250 جنيه مش ام خمسه جنيه بلاش تسترخص









صورة الباب بتاع الأطفال ورى








صورة الباب بتاع المدام










طبعاً درج قفـزات ههههههه نفسي افهم ليه بيسموه قفزات
بس انا بسميه درج لو كنت راج محترم عندك أجنده أو دفتر يوميات ومذكرات
شايفين صاحبنا حاطط دفتر مذكرات في العربيه يعني فعلاً فعلاً العربيه من الراحه الي فيها بتخلي الواحد يكتب قصة حياتو فيها












ودي نور اضافي علشان تنور لو لمن يجي يكتب مذكراتو
وكمان مكان للنضارة علشان يشوف بيكتب ايه في دفتر يومياتو






[كنســـول النص أساسي/size]




















[size=18]
ده حامل كوبيات من خلف الكنسول
وأحلى حاجه في الماتريكس أن في كل حته فيها حامل كوبيات
بس طفيات سجاير مفيش غير وحده فقط علشان صحتك











كراسي مخمل وراحه راحه مابعدها راحه
ههههههههههه المفروض غبور يدفعولي فلوس مش انا بعملهم دعايه هههههههه





















بس كفايه ... المره الجايه أنشاء الله هجبلكم صور الأستـبـن وشـنـطـة العـدة والمطور
المهم خووود هنا رايح فين ... أوووعه ايدك والريموت كنترول
يعني انتاااا تعبت من كـتـر القرايـة الموضوع ... مابالك الي كتب وتعب وجمع الموضوع أكيد هيلك
... فمتجيش تتفرج سفلقـة وتاخد بعضك وتمشي ، زي الي يخش ياكول في مطعم وياخد بعضو ويجري
يعني مش هقلك شخلل جيبك بس على الاقل قولي مرسي ... موضوعك جميل ومفصل أو ممل وبيزهق
يعني كلمة قليله تعمل ردوود كتيره وهنيالك يا فاعل الخير
هههههههههه هنشحت ردود على اخر الزمن هههههههههههههههههههه
المهم انشالله يكون الموضوع عجبكم وأسف على الاطالة
بس أذا عجــــــبك الموضوع أكتب مــــــــرسي
وأذا معجبكـــــــــش أكتب متـــــــشكرين ههههههههه وانا هبقى افهم