انا يا جماعه بفكر بكل جدية أني أقدم أستـقالتي من المنتدى
لأن مفيش ردوود بجد حقيقه فأيه رئيكم مستني الردود
المهم
بسم الله الرحمن الرحيم
ناس كتير جدا لفت أنتباههم مؤخرا عربية غاية فى الجمال والروعة
وكترت الأسئلة عليها علشان كدة أنا عملت الموضوع دة علشان نتعرف كلنا على هذة الساحرة الكلاسيكية التصميم و العصرية الروح و هى.................. الماتيرا
أولا نتكلم عن عصب العربية.....الموتور
سعة المحرك 1500 سى سى 16 صباب و حقن ألكترونى للوقود
105 حصان عند 6000 RPM
العزم 132 نيوتن/متر عند 4400 RPM
التسارع من صفر حتى 100 كم/ساعة فى 11 ثانية .............جامدة يعنى الفرق بينها و بين اللانسر ثانية واحدة
السرعة القصوى تصل الى 180 كم/ساعة
و متوفرة بناقل حركة يدوى مكون من 5 سرعات أو أوتوماتيك من 4 سرعات
الأبعاد
الطول الكلى 3,80 متر
العرض الكلى 1,69 متر
العرض الداخلى للمقصورة 1,42 متر
الطول الداخلى للمقصورة 1,95 متر
الأرتفاع الداخلى للمقصورة 1,33 متر
و نلاحظ من كل الرغى ده حجتين العربية واسعة أوى من جوه و مع ذلك حجمها الخارجى صغير يعنى كأنك راكب همر فى حجم 128 مثلا يعنى لما تيجى تركن أى مكان هيكفيك و هى أقل طول من اللانسر والكورولا و العرض زيهم تقريبا
و أوسع من جوه و أكثر راحة خصوصا عن اللانسر و كمان نلاحظ أن العربية عالية و ده بيزود عوامل الأمان و بيسهل ركوب السيارة خصوصا لطوال القامة
التابلوه
التابلوه فخم جدا و مصنوع من مواد عالية الجودة بالنسبة لهذة الفئة من السيارات
ناس كتير كرهتو علشان العدادات فى المنتصف و أنا منهم بس أنا خدت بالى من حاجة لما تيجى تبص على العدادات اللى ورا الدريكسيون فى أى عربية نظرك بيغيب عن الطريق لحظات ممكن تفرق فى المواقف الصعبة لكن لو جربت تنظر على العدادات اللى فى المنتصف هتلاقى أن جزء من نظرك شايف الطريق و هيا دى الدقة فى الصناعة و التميز
النظام السمعى فى الماتيرا متميز جدا بيتكون من راديو و سى دى يدعم ملفات ال mp3 و wma و كمان 4 سماعت و 2 تويتر اللى موجودين جمب فتحات التكيف
التكيف فى ماتيرا نظام يابانى قوى التبريد يتلاءم مع الأجواء الحارة زى مصر و غالبا هوا نفس بتاع الكورولا
و العربية مصممة علشان تعمل عزل كامل للضوضاء خصوصا عند غلق النوافذ و تشغيل التكيف و طبعا المواتير اليابانى مفيش أحسن منها فى الهدوء
عوامل الأمان
العربية مزودة ب 2 وسائد هوائية للسائق و الراكب الأمامى
العربية أرتفاع الأبواب عالى و ده بيزود الأمان يعنى الحوادث لا قدر الله مش هتوصل بسهولة الركاب
كمان daihtsu مقوية الهيكل كويس هوا و الشاسية و تم أختبار الأمان فى السيارة وفقا للمعايير الأوروبية و العالمية كمان الموديل GLX مزود بفرامل ABS
و كمان يا جماعة طبعا كلوكوا عرفين أن الكنبة بتطلع لقدام و بتتقفل و options كتيييييير
الأسعار
XL و دى أقل فئة يعنى بالتجهيزات القياسية يعنى من غير جنوط و لا و سائد هوائية بس أنا مش متأكد أوى من التفاصيل ب89,000
GL دى FULL OPTION من غير ABS و جير عادى ب 97,000
GLX دى فيها كل حاجة ABS و SRS AIR BAG و جنوط و أتوماتيك و قلق ب 105,000
العربيه الحلوة زي البنت الحلوة
وياسلام لمن تكون بيضه ولابسه ابيض في أبيض تبقى زي الحمامه كده
بجد بجد بمووووووووت في اللون الأبيـض
مقلتوليش ها يا جماعة أسـتقـيـل من المنتدى أقدم أستقالتي
ولا هتكتبولي ردوود حلووة ... او حتى وحشه بس المهم أحس أن الموضوع عمل تأثير
وبعدين يا جماعه متنسوش أن ده منتدى يعني ملتقى الفكـر تبادل المعلومات ... منتـدى
فرحوني وألا واللهي العظيم أقدم أستقالتي